Yeah！香港再創亞運輝煌，而呢面極具意義嘅金牌，就由香港奧委會會長霍震霆親自頒發畀「桌球王」Marco，小記在場見證歷史，心情都非常激動。
其實「小霍」都好風塵僕僕，走到不同場館撐香港隊場，好似早兩日就去過睇劍擊、BMX小輪車等，真係魄力十足，而期間亦發生咗一些趣事。話說每次「小霍」出現都成為香港媒體焦點，被問到香港申辦亞運嘅最新消息咁，當行家們圍訪佢之際，不少內地傳媒亦抱着專業態度，唔執輸一齊「隊咪」。
訪問完畢時，內地傳媒竟然問「這人是誰？」當我哋話係霍震霆時，佢哋就立即「恍然大悟」，有人立即說：「哦，霍先生就係霍啟剛嘅爸爸，郭晶晶嘅未來老爺！」原來喺佢哋眼中，啟剛嘅知名度甚至比「小霍」還高呢！