Marco揚威亞運，一眾好友均為他高興、鼓掌、落淚……
知道佢拎亞運金牌，一直有留意佢個走勢，當知道佢打贏梁文博之後，已經覺得佢有機會奪金，Marco未喺亞運攞過金牌（個人賽），真係戥佢開心，都有傳短訊恭喜佢，等佢返香港再請佢食飯，始終佢教過我打波。
我頭先都喺屋企直擊，又喺微博同佢打氣，過程好緊湊、好緊張！因為我同傅家俊係同期運動員，佢年紀都唔細啦，今次奪金證明呢位老將寶刀未老，我呢個老將都真心替佢高興，我要恭喜佢做到亞洲一哥！
高禮澤（香港乒乓球代表）：今日上午在樓下碰到你，我就同華哥講你好有機會，因為之前你贏過小丁，你係得嘅！恭喜你！香港第七金！
張敬煒（香港單車代表）：Marco好嘢！
蘇偉泉（香港亞運足球代表）：恭喜呀！為香港爭光！
范俊業（前香港足球代表）：恭喜傅家俊奪金！
蔡曉慧（前香港游泳代表）：恭喜傅家俊奪亞運金牌！
傅家二千金：傅家俊擊敗丁俊暉桌球奪金，Yeah~
Stephanie小倩：雖然應該支持中國隊，但中國跟香港本來就是一家親嘛，所以要恭喜傅家俊拿到金牌，今晚你打得好棒哦！