馬刺去鳳凰城大報復

（有線165台及now678周四早上10時直播）

馬刺在上季季後賽意外地以0比4遭鳳凰城橫掃出局，球員事後都感到羞恥，誓要在今季復仇，基於鳳凰城今季有星級前鋒史杜迪米亞離隊，實力大不如前，而開咧3戰僅1勝2負，預計現時已非馬刺對手。

鄧格轟40分助公牛拓「荒」

事實上，馬刺尋日輕取快艇，顯示狀態回勇，全隊共有五名球員獲得雙位數字得分，其中以柏加表現最好，個人貢獻19分及9次助攻，而謝法臣則有18分進帳。馬刺大軍未見有新傷兵，將可「夫添」戰鳳凰城。

尋日另一場賽事，公牛以110比98擊敗拓荒者，主力鄧格轟入40分，寫下個人職業生涯新高，而佢嘅舊紀錄，原來亦係喺拓荒者身上奪得，佢賽後就話：「只係巧合而已，球隊今場在進攻上交到功課，大家投射都非常準繩。」除鄧格外，戴歷羅斯亦貢獻16分及13次助攻。

今屆亞運是自北京舉辦以來，20年後又回到中國上演，為香港披上戰袍同樣20年的壁球Icon「小旋風」趙詠賢，早決定以這四年一屆體壇盛事作為運動員生涯的最後舞台。這位剛於9月完婚的亞運「四朝元老」更揚言已邀請老爺、奶奶到廣州撐場，期望以金牌畫上完美句號。