南華今午展開銀牌衞冕第一擊，對手為排尾二的大中。南華早前在聯賽曾以六比一反勝對方，兩隊實力懸殊，如無意外南華可望輕鬆過關，不過球隊近況普通，今場亦要搏盡。
南華開季至今在聯賽上陣六場，取得五勝一和，贏得最大比數就係作客大中之戰，當時大中雖憑鄭璟昊兩分鐘破門領先半場，但下半場兵敗如山倒，南華射手卡里祖連中三元，蘇沙、梁倬軒及歐陽耀冲均告「開齋」，足見雙方強弱差距甚遠。
少林兵壓力巨大，只要表現稍為失色便隨時飯碗不保，例如射手卡里祖與中堅艾維斯，前者近兩仗頻頻埋門失機交白卷，艾維斯上仗對大埔一開波就「送大禮」失波，備受會方與球迷責備，今仗對弱旅大中，兩人勢必醒醒定定爭取表現。
大中獲前鋒基奧回巢後，與港會及四海打和，表現回穩，不過上仗對四海本來形勢大好，但領先兩球下竟於最後四分鐘遭對方連陷兩城逼和，反映該隊防線甚為脆弱，一到重要時刻就會頂唔住。少林兵只要睇準機會猛攻，贏波係簡單任務。