火箭頭兩戰都輸波，歸根究柢係防守差勁，對湖人失112分，而上場對勇士更失掉132分，難怪總經理莫利受訪時，都對己隊嘅防守大肆抨擊。此外，多家美國傳媒就將矛頭指向奇雲馬田，話佢唔識防守，常讓對方主力輕易得分，但亦因為備受指摘，預期火箭今場會知恥近乎勇，做好防守謹慎應付金塊，加上有主場之利，仍可對火箭投信心一票。
安東尼「喊走」損士氣
至於金塊高層及球迷，愈來愈對主將安東尼失去信心，皆因呢位射手早前對傳媒透露，無意同金塊續約，亦代表佢喺季後將會步勒邦占士後塵，回復自由身轉投其他球隊。消息一出明顯令金塊士氣受挫，今場作客捧唔過。