紐約人今夏爭唔到勒邦占士，如意算盤未能敲響，把心一橫將球隊國際化，球隊今季簽入多名外援，包括俄羅斯國手莫沙哥夫、法國前鋒圖列夫及英國射手阿蘇布基等，加上球隊原定已有意大利主力加連拿利，紐約人現時變成一支聯合國部隊。
紐約人今季多名新兵中大部分均屬外援，包括從勇士來投嘅歐洲雙雄、法國前鋒圖列夫及英國射手阿蘇布基，還有夏天替俄羅斯出席世錦賽嘅中鋒莫沙哥夫。此外在選秀會上，紐約人亦揀選咗加拿大後衞華天斯，連埋加連拿利在內，球隊已有六個不同國籍球員。
不過，今季領軍人物始終都係史杜迪米亞，呢位星級前鋒今季終如願離開効力八載嘅鳳凰城轉戰東岸。紐約人之所以能奪得「A米」，全因球隊向其提供一紙近1億美元嘅5年合約，向來貪錢嘅「A米」即刻答允加盟。