為見偶像粉絲各出奇招

費天王的吸引力果然厲害，雖然來港匆匆行程低調，但仍有一班本要返工返學的「Roger迷」為見偶像一面而不惜蛇王或逃學。而約30名球迷原來最早於費達拿會見傳媒前個半小時已在交易廣場等候。資深粉絲Winnie興奮地說：「我攞到佢簽名好開心，但覺得唔係好夠，想再簽多幾個，基本上任何關於費達拿嘅東西，我都會收藏。」
Winnie展示佢攞到嘅費天王珍貴親筆簽名。
Winnie展示佢攞到嘅費天王珍貴親筆簽名。

另一名港大學生Carmen就話最開心可以與偶像合照：「好興奮，佢頭先仲搭住我膊頭影相添！」不過，穿上「ＲＦ」Ｔ恤的男孩子阿朗就失望而回，還聲稱人生第一次追星就遇上失敗：「我點幾鐘已經來到，但因為肚餓去咗買嘢食，點知返到嚟至知佢啱啱走咗，真係恨錯難返。」

右邊呢位男fans着埋「RF」 T恤嚟撐場。
  • 右邊呢位男fans着埋「RF」 T恤嚟撐場。