「跳水王后」郭晶晶退役與否一直備受關注，她日前在西安出席一個商業活動時，就表明仍未有退役念頭，令人大惑不解。據悉晶晶所以遲遲未隱退，全因國家跳水隊唔想冇咗晶晶所帶來嘅巨大收益，所以一直唔畀佢退休。
中國運動員都係由國家一手培育出來，在這種體制下，一眾體壇明星如姚明、劉翔及郭晶晶，在各種商業收益中均須上繳國家，而跳水隊從中亦獲得不少收益。單係郭晶晶一人，現時嘅廣告代言合約就超過二千萬元人民幣，若然佢真係退役嫁人，廣告代言自然會大為減少，到時跳水隊嘅收入亦大減。有見及此，跳水隊絕對唔想冇咗郭晶晶呢棵搖錢樹，所以一直唔畀佢退休，寧願畀佢一直休息，繼續以「跳水王后」姿態亮相賺錢。
至於現任國際奧委會主席羅格，日前就表明會在二○一三年卸任，而最大機會接任人係中國國家體育總局副局長于再清。
于再清現時屬國際奧委會第一副主席，如果佢成功當選下任主席，將成首位亞洲人當國際奧委會主席。