英球會買佢怕
鄭智前日進行回歸內地球壇首戰，代表廣州恒大喺中甲作客湖北綠茵，約二百名廣州球迷坐長途火車到武漢撐場，但恒大只能同對手打和一比一。恒大球員完場後未有照慣例走向觀眾席向球迷致謝，結果球員沖涼後，要由教頭李章洙下令再次列隊向球迷答謝。有球迷怒指陣中最高薪嘅鄭智當時依然雙手插袋企喺後排，誠意欠奉，並傳佢願意降格回流，原因係佢沉迷賭波。
二十九歲嘅鄭智只要喺英國踢多季就有資格取得綠卡，但圈中人士爆料，鄭智鍾意賭波，所以英國球會對佢充滿戒心，而且佢老婆先後擁有八部寶馬房車，財富收入成謎。
■本報綜合報道