張伯抗癌盼善長續施援

六十五歲的張伯○八年底突感腹部隱隱作痛，經檢查後證實患有第三期結腸癌，接受化療後病情雖一度好轉，惜早前又再度復發，腹部與雙腳經常劇痛難當，連行動亦感困難。醫生建議服用十二次、每次二萬五千元的自費藥物療程以緩解病情，張伯直言，「要成卅萬，叫我哋去邊度搵，咁即係同判我死刑冇分別！」

自費藥物療效明顯

張伯退休前從事鐘錶裝嵌，現時一家三口僅靠任職老人院護理員的太太賺取數千元維持，生活捉襟見肘。張伯為尋求一線生機而向東方日報慈善基金求助，並迅即籌獲近七萬元善款。接受自費藥物療程後，張伯雙腳明顯消腫，「冇藥食嗰陣成身都好痛，一啲食欲都冇，依家有藥食真係好好多，胃口都返晒嚟！」張妻指丈夫曾因頑疾而萌自殺念頭，幸獲善長捐款支援，讓他重燃生存意志，「醫生話呢隻藥好啱我老公，個瘤已經冇大到，但係療程一定要繼續，如果唔係就前功盡廢！」

為免張伯因斷藥影響病情，基金已即時撥款二萬五千元以支付緊接療程費用，但斷藥困局未解，令張伯仍憂心忡忡，「我唔想再面對冇藥食嘅日子！嗰種無助嘅感覺比死更難受！」

捐款編號：11877

■記者 梅可茵