年紀大拒絕訪華
自從阿Paul今夏世盃一戰成名，不少國家水族館都想搵佢叨光，當中包括南京、上海、深圳、大連及杭州五大水族館，不過阿Paul已拒絕所有邀請，有關方面表示：「因為年紀大關係，阿Paul已經不適宜遠行，一般雄性八爪魚的壽命只有十八個月，雌性則有三十六個月，阿Paul活到今日兩歲半已經算係奇迹。」
為咗令大家可以一睹阿Paul風采，有廣州旅行社推出為期十天嘅「阿Paul＋世界盃三甲之旅」，團友除可親身去到奧柏侯遜水族館探阿Paul，更會一次過遊覽西班牙、荷蘭及德國三個地方，雖然團費要15,000元人民幣，但推出後反應非常熱烈，每日起碼收到二、三十個電話查詢。