孤立高比湖人冚旗
【本報綜合報道】湖人今場除咗高比拜仁外，其他球員狀態都好沉，帶傷上陣嘅中鋒拜林雖然好快就攞咗6分，但佢嘅傷勢實在太嚴重，之後比賽都係行行企企，甚至籃板都搶唔到（僅1個），至於其他人如奧當、阿堤斯、費沙及加素都被對手盯緊，原來塞爾特人教練李華士一早落咗柯打，一定要嘜實其他人，孤立高比仔。
李華士賽後說：「高比仔就算點叻都好，每次最多都係入一球，而且佢都係人，總有攰嘅時候，但如果畀其他隊友打順嘅話，湖人就會好可怕，所以我哋寧願畀高比仔攞波。」
塞爾特人嘅戰術相當成功，雖然高比仔攞咗38分，但湖人全場仍處於劣勢，最後輸波。