李娜勝寶娃揚威伯明翰

中國金花李娜打破近三十個月來嘅錦標荒！佢尋日喺伯明翰網賽決賽，以七比五、六比一直落兩盤擊敗俄羅斯美人舒拉寶娃，勇奪錦標，為即將展開嘅溫布頓注入強心針。至於擅長草地嘅瑞士天王費達拿，就被博彩公司列為８賠11嘅溫網男單頂頭大熱，新世界一哥拿度就係２賠５。不過，費達拿尋日喺德國哈雷草地賽失利，佢喺決賽不敵澳洲天王希域，屈居亞軍。