高比仔唔玩世錦賽

繼「西班牙皇帝」加素拒絕參戰世錦賽後，另一湖人球星高比拜仁亦宣布因傷避席！向來有「鐵人」之稱嘅高比拜仁，今季終於被傷患擊倒，近三季首次因傷打唔足八十二場常規賽。最令高比仔困擾嘅係右手手指傷患，基於要不斷比賽，其骨折問題根本從未解決，至今只能夠忍痛紮住上，所以與隊醫商量後，決定在總決賽後進行手術。

此外還有膝部傷患，高比仔自四月傷膝後，持續需要進行抽積水消腫，但據隊醫表示，高比必須全面休息先可以正常康復，所以高比確實迫不得已地避戰今夏在土耳其舉行嘅世錦賽。不過高比仔未咁快有得抖，今朝會繼續助湖人出戰總決賽對塞爾特人的第二戰。

另方面，盛傳會出手收購勇士隊嘅「小巨人」姚明，據知情人士透露確有其事，不過姚明並非如米高佐敦般成為NBA球隊班主，佢只係與其他中國財團一同合夥收購，如成事就只會係勇士其中一名股東。