首先最大機會離隊係教練積遜，因為湖人已表明無意再用高薪挽留「禪師」，或迫使佢選擇離隊，賽前就傳出「禪師」下季會改投紐約人。至於老將費沙、法馬及沙朗布朗都未傾掂續約，法馬及沙朗布朗都有意「跳」出合同，加盟其他球隊爭取高薪，除非湖人能衞冕成功，如果唔係球會都唔會浪費金錢在兩人身上。而邁賓加、阿當摩利臣及祖殊包維就肯定成為自由身，所以湖人下季大有機會面目全非。
大帝：留騎士機會高
另方面，「大帝」勒邦占士自出局後終於首度接受訪問，占士開腔表示，留在騎士嘅機會仍高，至於今季總決賽，佢就睇好淘汰佢哋出局嘅塞爾特人。