NBA季後賽第五回合向來被視為最關鍵一戰，亦因此被稱為天王山之戰。「紫金兵團」向來在天王山之戰表現超卓，歷史上試過18次比分打成2比2下，第五戰返到主場必定贏波，結果今場亦保持佳績，第19次在此情況下贏出第五戰。
近年湖人在第五回合的確無懈可擊，在近三季季後賽，湖人合共有8次要打到第五回合，結果無論形勢如何，湖人總能夠在第五戰中贏波，拿下系列賽最關鍵嘅勝仗。此外，湖人贏埋今場後，今季已連勝11場主場季後賽賽事，只要再贏多兩場，就可以平公牛（97年）及馬刺（07年）嘅紀錄，成為史上季後賽主場王。
不過，湖人在今個系列賽就肯定唔想再打主場，皆因教練積遜表明，希望可以一鼓作氣，在周日作客鳳凰城時解決對手，毋須再返主場比賽。