【本報綜合報道】騎士再次緣盡總冠軍，球會日前解僱教練米克布朗，並準備改聘一位具分量嘅教頭，藉此留住「大帝」。湖人早前要求教練積遜大幅減薪，搞到佢老人家好唔高興，據悉騎士已準備以銀彈撬「禪師」過檔，搵佢做餌留住占士。
騎士出局後，現時最大任務就係要留住勒邦占士，首要條件就係要加強球隊陣容，其中換帥絕對係最重要一環。據悉騎士已睇中手執十枚冠軍指環嘅「禪師」積遜，全因後者早前被湖人要求大幅減薪60%，已萌離隊之意！而積遜曾領兩代波神米高佐敦及高比拜仁建立王朝，若然佢改教騎士，肯定可以大大增強占士留隊本錢。
另亦有指騎士會選擇領「夢八」奪得京奧冠軍嘅K教練克爾澤維斯基。因K教練執教美國多年，與占士建立深厚感情，而「大帝」亦多次表明欣賞K教練，所以騎士揀新帥，都會以占士心水為主要考慮因素。