ＭＶＰ感言：誓奪總冠軍
「大帝」勒邦占士尋日與家人到咗阿克倫大學，出席常規賽ＭＶＰ頒獎禮，並正式接過獎項，成為ＮＢＡ史上第十位「冧莊」ＭＶＰ。「大帝」今次可謂贏得離行離列，一百二十三個投票人士中，占士合共獲得一百一十六張第一選票，總分高達一千二百零五分，較第二位嘅杜蘭特高出接近一倍，高比拜仁同杜域侯活就分列第三、四位。
占士亦係自羅素爾、張伯倫、渣巴、摩西馬龍、大鳥布特、魔術手莊遜、米高佐敦、鄧肯及拿殊後，連續兩季獲得ＭＶＰ殊榮嘅第十人。占士在得獎後表示：「能夠與多位名宿睇齊，實在係件無上光榮嘅事，不過我知道，要擁有總冠軍才算係真正嘅偉大球員，奪冠已經成為我現時最大的目標。」