南非世盃賣飛亂晒龍

世界盃日前喺主辦國南非公開賣飛，唔少售票中心同銀行都亂晒龍，其中開普敦站嘅售票電腦出現問題，頭三個半鐘只有32人買到飛，令超過一千名排隊嘅球迷鼓譟，要大量警察到場維持秩序。原來約翰內斯堡同其他售票中心都有類似情況，有球迷喺門外等足十六個鐘，依然買唔到飛。國際足協就話，64場決賽周比賽，有23場門票已經清倉。