杜蘭特史上最年輕得分王

杜域侯活四冠王

今季杜蘭特以21歲零197日之齡奪得得分王，打破66至67年球季域巴利以23歲零17日所創嘅舊紀錄，成為史上最年輕得分王。僅打三季就能獲此成就，杜蘭特表現確實相當驚人，強如「波神」米高佐敦，首個得分王獎座都要到24歲才取得，而艾佛遜及麥基迪就在23歲幾至攞到，而曾經單場轟入81分嘅高比拜仁，更以27歲高齡先榮升得分王，難怪有美國球評家估計，杜蘭特隨時爆冷，繼得分王後再度力壓「大帝」攞埋常規賽MVP寶座。

至於在常規賽中最值得嘉許嘅球員，都應該係「魔獸」杜域侯活，呢位魔術中鋒今季分別獲得籃板王及封阻王，另投射命中率亦係聯盟中最佳，此外「雙雙」次數亦最多，成為四冠王。