新界地產和富大埔係地區球隊，得到街坊、鄉紳等熱烈支持，自設會址（連球員宿舍），不過，去大埔會址要先入間村校！事關大埔係用咗大埔泮涌公立學校嘅舊校舍嚟做會址㗎！
因為係校舍，大埔會址地方寬敞、綠樹成蔭、環境優美，附設嘅球員宿舍亦設備齊全，露台、廚房、會議室、庭院應有盡有，即刻帶大家入去呢間咁特別嘅「村校」睇睇！
