陳旭智大學生踢波唔覺嘥料

不少人認為大學畢業生走去踢波「嘥料」，但老實講，現時通街都是大學生，拎住個學位都未必搵到食，反而阿智當初專心踢波，又考了教練牌，現時幫球會兼做文書工作，更來得實際。

貌似關禮傑 過界做Model

「我係計算機科學系畢業，同學讀完出嚟大多做Programmer，但講真我興趣唔大，所以自畢業以嚟都係一心做職業球員，希望呢幾年喺球會管理層上學多啲嘢，第時掛靴後都可以教波，依家每個禮拜我都有教大埔嘅小朋友踢波㗎！」

的而且確，當地區球隊的全職球員，薪酬一定不會太高，阿智亦深明此情況，但他表示近年已獲球會加薪，所以生活上絕不成問題。但我提議阿智應該去選港男，因為他的確幾靚仔，又像關禮傑。

「哈，我都有幫雜誌拍過一啲產品硬照㗎，或者第時唔踢波，都可以做Model。不過現時都係專注踢波，希望可以爭取更多正選機會，回饋球會對我嘅栽培。」