大帝搵真銀唔吼世錦賽

勒邦占士係美國隊隊長之一，現時廿七人名單中，仲包括高比拜仁、安東尼、杜域侯活、杜蘭特及基斯保羅等球員。由於勒邦占士、韋迪同保殊都會喺暑假變成自由身球員，故暑假期間將會非常忙碌。另外，美國傳媒指勒邦占士夏天有多個廣告商嘅宣傳活動，而且亦有意進身娛樂圈拍電影，所以難以抽身。

拓荒者連續兩季闖季後賽

此外，拓荒者昨日主場以118比90擊敗紐約人，取得季後賽席位。目前東岸確定出線嘅球隊，包括騎士、魔術、鷹隊及塞爾特人。西岸方面，湖人、小牛、爵士、太陽、金塊及拓荒者亦已出線。

拓荒者能夠打入季後賽得來不易，因為球隊今季長期受到傷兵問題困擾，12名球員因傷缺席咗292場比賽，但最終仍能取得入場券，認真厲害！拓荒者已經連續兩年打入季後賽，上季首圈畀火箭淘汰出局。