明鬥熱火或有暗湧
高比仔傷愈復出後表現一般，今場十四投僅五中，而近四場比賽亦僅得34%命中率，幸好高比仔知道自己狀態一般，改為頻頻助攻畀隊友，所以湖人喺呢段期間依然保持好成績。三十二歲嘅高比拜仁，由於年紀唔輕，加上受傷患困擾，所以教練積遜都唔敢用得佢太盡，對溜馬一仗上陣僅三十分鐘，創下今季新低，幸好高比仔嘅一班隊友加素、拜林同阿堤斯都保持水準，明日作客熱火靠晒佢哋喇！
熱火目前排東岸第八，主場勝率僅逾五成，今季首次碰頭時，湖人主場僅以一分險勝，熱火主將韋迪近況不俗，上場對勇士獨取三十五分，今場肯定趁高比仔唔在狀態發威。