由於「姚麥配」多年來都未能取得好成績，教練阿杜文一早已打算將麥基迪作為籌碼，交易到其他球隊，今次轉會共涉及七人，火箭嘅大前鋒杜斯及蘭特利被送到帝王，而帝王控衞洛迪古斯、堅尼湯馬士及中鋒曉頓岩士唐則加盟火箭。

騎士搵占美臣扶持「大帝」

奇雲馬田近年平均得分都喺二十分以上，單睇數據絕唔差過麥基迪，但佢近年都係効力實力平庸嘅帝王，而且身形較為單薄，經常受傷患困擾，故大部分網民對呢單交易都有保留，且看奇雲馬田能否喺火箭升空！

榜首球隊騎士亦有動作，佢哋同巫師及快艇達成一宗涉及三支球隊六名球員嘅交易，騎士從巫師換來大前鋒占美臣及快艇後衞泰化亞，今年卅三歲嘅占美臣今季平均得分達二十點五分，相信可減輕「大帝」勒邦占士嘅負擔。至於巫師則得到騎士中鋒伊高斯卡斯、柏特錫及明年嘅選秀權，而古頓就由巫師加盟快艇。