本文重點
壓軸戰東道主日本迎戰南韓，日韓史上同樣曾三奪東亞錦標賽冠軍，今屆兩軍未有徵召海外兵團，水準即時大跌。南韓上仗大敗於中國腳下，視之為奇恥大辱，今仗必大打爭氣波。目前兩軍奪標形勢嚴峻，南韓兩戰三分排第三，日本與中國同得四分，得失球數字亦相同，如頭場中國大勝香港，日軍要以同樣比數擊敗南韓，才能與國足雙雙捧盃，不過難度極高。
近年交鋒旺細盤
今屆日本被視為捧盃熱門，可惜演出令人失望，首場悶和中國，上仗雖然大勝港隊三比○，但整體發揮欠理想。黃金中場徒具虛名，遠藤保仁、小笠原滿男及中村憲剛於球會屬「大佬級」球員，陣上走動不多，只得射手玉田圭司落力走位。今仗出擊左閘長友佑都及前鋒岡崎慎司可復出，但面對南韓頑強抵抗，未必可撕破對手防線。
南韓上場被中國防反戰術徹底擊倒，今場對手日本控球能力極強，預計球隊會由主動變被動，只要部署好反擊戰術，絕對有機會突襲搶分，今仗一於冷敲和局。另兩隊○三年至今六次交手均無甚交收，可兼顧入球細。
（now 633周日下午6時15分直播）