傑特、李爾執二攤

身為西岸票王嘅高比拜仁，因為足踝受傷已經連續缺陣咗三場常規賽，基於傷患未愈，佢尋日宣布退隊。高比仔表示：「我要對球迷及達拉斯市說抱歉，傷病令我不能為你們提供精彩演出。我已知道傑特會代替我出賽，我期望一眾西岸隊友有好表現，再次戰勝東岸！」西岸教練卡爾已決定將高比仔嘅正選位置交畀小牛前鋒魯域斯基，相信多少因為佢係主人家嘅關係。

至於東岸正選艾佛遜因為照顧患病女兒，同樣決定退賽，佢早前已經因為私事缺席多場76人賽事。史端隨即補選了紐約人前鋒大衞李爾，而正選位置估計會由朗度或祖莊遜取代。