人有七情六慾，就算屬商界、政界成功人物，也未必完全公正持平。林大輝至情至性，對足球員有極深情意結，承認搞波會感情用事，或多或少影響成績。
「人不像機器，無論何時都運算精確，人嘅問題永遠最難處理。」遇到思想接近兼好波的球員，他會特別欣賞，「我同甄力健等球員好老友，同佢哋相處，我會放下老闆身段。我好欣賞范俊業，外形好之餘，有禮貌、顧家、私生活又檢點，亦肯回饋社會。我亦好希望李偉文可以成為本地頂級教練，雖然佢今季首循環執教沙田成績麻麻，但我會讓佢繼續學習，未來能否成功，就要睇佢造化嘞。」
因曾幫助不少現役、退休愛將轉型，為他在商界打江山，故林大輝被封為球圈中罕有的「義氣班主」，但他自問不易服侍，「我只幫值得幫嘅球員，會提供佢哋轉行門檻，但最後Work唔Work，要靠球員自己努力。如果唔合標準，我會毫不猶豫放棄！」