【本報綜合報道】狀元格芬宣布收咧！喺季前賽弄傷左膝嘅快艇狀元格芬，原本傷患已康復得七七八八，更預期喺本月復出，首度亮相常規賽。殊不知格芬日前再度接受檢查後，發現傷患未有像預期般恢復，現時「狀元爺」已決定施手術根治，亦代表佢將步奧登後塵，另一狀元喺新秀賽季報銷。

「狀元爺」格芬今季都算多災多難，季前賽先後傷及肩部及左膝骨折，結果開咧至今一直養傷，但早前有指格芬進展良好，本月有望重返快艇訓練營操練。可惜格芬日前接受洛杉磯著名運動學醫生檢查後，發現傷患並冇預期般好轉，復出根本遙遙無期，經過球會及格芬商議，終決定進行膝部手術徹底根治，因為手術後要養傷四至六個月，所以已代表格芬會提早收咧。

大學時期已受傷患困擾

其實格芬在大學期間已飽受傷患困擾，○八年曾經扭傷左膝十字韌帶，另外左腳半月板亦曾經撕裂，所以唔少專家在選秀會期間，就指出揀格芬係一個賭博。結果格芬果然步○七年狀元奧登後塵，新秀年全季缺席。