離開火箭仍受歡迎

已同火箭達成協議，無限期離隊嘅麥基迪依然大受歡迎，經過第三階段投票後，「T-Mac」獲得649,563票，以1,005票壓倒太陽領袖拿殊，升上西岸後衞組第二位。其實「T-Mac」票數回升，據悉係因為球迷唔滿意火箭做法，認為呢位星級球員傷愈後，應該獲得更多上陣時間，加上麥基迪大受中國球迷歡迎，所以同火箭「分手」後，票數不跌反升。

「票王」方面，高比拜仁仍一枝獨秀，合共獲得1,606,032票，繼續壓倒「大帝」勒邦占士嘅1,579,530票，而第三位就係熱火射手韋迪，得1,539,968票。