政情：喊完又道歉 馬逢國再轟港府
喺新冠肺炎疫情下，演藝業界活動影響相當大，體育、演藝、文化及出版界議員馬逢國早前喺記者會上，講到演藝界失業情況時一度哽咽落淚。
指演藝界乏支援
期間仲因為錯指政務司司長張建宗要冇資助行業「識大體」，而一連兩日公開道歉，至尋日佢出席電台節目時又重提事件，同時再炮轟政府一直未向業界提供更多援助，又批評港府對業界的資助遠較「保就業」計劃對僱主的資助少。
馬逢國重提哽咽事件，形容業界在疫情打擊下陷水深火熱，而估計業界有超過十萬名自僱人士，唔少人已失業八至九個月，但政府過去只向業界人士派發七千五百元一次性資助，而且只得四萬人受惠，明顯較「保就業」計劃嘅資助少，狠批政府未為業界提供更多援助。