香港奧委會會長霍震霆昨在祝捷會上表示，要檢討今次東亞運的舉辦工作後才決定會否向亞奧理事會提出申辦，但他強調距離2019年有九年時間，相信香港辦事能力可以應付。不過，其實今次東亞運「甩轆事件」一件接一件，只是被一眾香港運動員的驕人成績所掩蓋。

對於香港有意再提出申辦亞運，當年申辦2006年亞運宣傳大使的李麗珊坦言要「諗清楚」，參加過四屆亞運的珊珊稱：「坦白講，今次嘅場地唔係好掂，辦細型運動會總算可以，但搞亞運就一定唔得，好似射擊場嘅頒獎地方就好失禮，而且保安亦好鬆散，搞亞運一定要有警車開路或者護送參賽運動員，呢方面係好重要，而且仲要有大型選手村……」

咪畀佳績沖昏頭腦

珊珊續稱：「亞運約有四十個國家及地區參加，比起今次參賽隊伍多出四、五倍，但各方面嘅力度要加強十至二十倍，爭辦真係要好好計劃，唔好畀今次嘅成績沖昏頭腦，真係要清醒啲。」珊珊更表示政府不要太着急，若然有意辦亞運先「裝備自己」，畢竟九年時間實在太倉卒，再推遲下一屆亦無妨。

據悉，當年（2000年）競逐與香港同樣敗於多哈的馬來西亞會再次「出擊」，剛辦英聯邦運動會的印度更加已提出申請，而越南、台北同樣對2019年感到興趣，香港遇上以上「強敵」，加上未來兩屆亞運分別是在廣州（2010年）及南韓仁川（2014年）舉行，再下一屆由東亞地區舉辦的機會也不高。