NBA已經通過俄羅斯首富普羅霍羅夫嘅背景調查，只要明年初再通過埋NBA所有球隊老闆嘅投票決定，就可以落實其二億美元（約十五億六千萬港元）收購80%籃網股份，正式入主籃網成為NBA班主。
普羅霍羅夫早前已與籃網傾掂數，收購球隊80%股份及即將在布魯克林興建嘅新球館45%股權，而上月亦已提交各種文件給NBA聯盟作調查。NBA總裁史端表示：「有關方面已作出全面調查，並證實佢有能力收購籃網。」但普羅霍羅夫仍要等待明年一月尾或二月初嘅其餘老闆投票，先能通過正式成為班主，佢需要三十支球隊中嘅廿三人支持才能成事。