NBA今日有多場好戲碼賽事，其中騎士主場對拓荒者，大家都關心「大帝」勒邦占士能否助騎士度過低潮。騎士尋日輸畀火箭後二連敗，而且失誤多達20次，教練米克布朗批評球員未瞓醒，好似想提早過聖誕，明日返主場迎戰朝氣勃勃嘅拓荒者，再唔發力隨時輸多鑊！（now 670周六早上9時直播）
騎士教練米克布朗表示：「上仗開局非常差，好多球員好似夢遊咁，對抗性不足，射波手感又唔好，拓荒者係一支年輕有活力嘅球隊，如果今場唔打醒十二分精神，3連敗一啲都唔奇。」
拓荒者尋日作客以102:91擊敗溜馬，主力球員萊爾表現甚為突出，全場貢獻29分及五次助攻，今季平均得分達21分，所以騎士呢場一啲都唔易打。