鐵桶陣捱轟即爆發

不過佢對住烏拉圭排出目標為本嘅鐵桶陣，以醜陋足球取得決賽周入場券，有辱阿根廷王者之風，於賽後記者會時被傳媒咬住唔放，馬納當拿忍唔住爆粗還擊，令形象進一步插水。

阿根廷媒體估計，國家隊出線後，馬納當拿帥位短期內唔會動搖，可暫時鬆一口氣，但「新球王」美斯承受嘅壓力亦非常大，因為佢喺國家隊已經有二百三十一日冇入波，有唔少聲音要求馬納當拿貶佢為後備。

而今場落敗嘅烏拉圭將與中北美洲第四位球隊哥斯達黎加進行兩回合附加賽，今次亦係烏拉圭連續第三屆要踢外圍賽附加賽，上兩屆均與澳洲對壘，○二年勝○六年敗，今屆改與中北美洲球隊交手，且看命運如何。