聘用女生

日本風俗店向來愛聘用剛畢業女生當風俗娘，貪佢哋年輕貌美，好似十多年前非常流行嘅電話吧咁，喺裏面兼職嘅女仔，多數為年紀輕輕嘅高中妹，主要工作利用固網電話，跟客人玩電話性愛，後嚟出現援交熱以及各式風俗店，同樣主打年輕少女。

雖然呢班少女青春逼人，令男士神魂顛倒，之不過自從有關方面實行嚴打後，大多數風俗店都唔敢明目張膽搵一啲年輕、甚至未夠秤嘅女生當全職風俗娘，事關一旦被查出，不但要封舖及罰款，負責人更要坐牢，所以就算遇到高質素嘅女生自願入行，佢哋都唔敢鋌而走險。同時，亦因為風俗店成為重點嚴打對象，為免惹上官非，惟有改變營運方式，以出張服務引客。

利誘入行

出張風俗為現時最流行嘅一種玩意，只需一個電話，風俗娘即隨傳隨到，加上可以選擇喺私人地點進行交易，對於玩家嚟講，感覺上安全得多。據了解，十八至二十二歲嘅風俗娘最受業界歡迎，事關佢哋已經達合法年齡，遇到查牌都唔使驚，點玩都得，而且冇咁易惹上麻煩。由於呢班少女受到資深玩家嘅歡迎，負責人亦可以乘機抬高肉金，甚至比一般中年風俗娘嘅身價高出一倍。

適逢日本經濟麻麻，企業都減少招聘人手，應屆大學生嘅就業狀況出現惡化迹象，有風俗店就趁機招攬呢班冇工做又等錢使嘅女大學生入行。當然，講到要賣肉，並唔係每個女仔都能接受，所以要游說佢哋下海都需要一啲技巧，但多數離不開金錢誘惑。

本番服務

喺日本，為滿足物欲而甘願賣肉嘅女大學生，可以話大有人在，之不過佢哋性經驗唔多，性技唔係太好，所以好難要佢哋同客人玩難度高嘅玩意，頂多只係提供本番服務（即打真軍），但要說服佢哋接受呢種玩法，並唔係單靠兩句甜言蜜語就可以，於是有人以豐厚酬金或名牌手袋等物品，務求令佢哋抵受唔住誘惑而應承。

此外，雖然玩法唔多，但由於呢類女生一副正經人家模樣，就有如跟女友上床一樣，與其他風俗娘相比，可以話一啲撈味都冇，因而深受玩家歡迎。

所以話，做人千祈唔好貪慕虛榮，一定要腳踏實地，否則好容易抵受唔住誘惑而誤入歧途，到時就恨錯難返啦！

撰文：娟娟