【本報綜合報道】NBA新賽季快將開鑼，衞冕總冠軍洛杉磯湖人尋日舉行「傳媒日」，一眾球星會見媒體拍宣傳照，新加盟嘅阿堤斯自然是傳媒追訪對象，着起湖人37號波衫嘅佢更以搞笑扮相示人，扮棒球手又扮野人，而超級巨星高比拜仁就話暑假同家人去咗巴黎旅遊，已經「叉」足電，準備喺新一季搏殺。

另一NBA球隊休斯敦火箭尋日亦開操，但就「屋漏偏逢連夜雨」，除咗「小巨人」姚明要養傷一季、麥基迪最快十一月至可以復出外，另一主將柏堤亞又喺對抗賽不慎拉傷大腿，即場接受醫生治理，傷勢如何仍未清楚。