有美國傳媒指出，經營出現困難嘅黃蜂，亦有可能將CP3交易。但原來保羅只係同傳媒講過，呢個世界乜事都有可能發生，所以自己並非會離開黃蜂，短期內都會留隊。
早前傑特來港，曾經講過基斯保羅會係佢最佳接班人，CP3聽到之後，就話非常榮幸，因為佢一直認為傑特係一個非常出色嘅控衞，能夠獲得前輩讚美，當然開心。提及另一老友勒邦占士，CP3就話自己都估騎士可以喺季後賽踢魔術出局，但點知結果掉轉，所以都有打個電話畀老友慰問一下。
另方面，除咗NBA總冠軍之外，原來基斯保羅仲有一個目標，就係喺倫敦成功衞冕奧運金牌，佢話好希望繼續打夢幻隊，因為代表國家係一件非常光榮嘅事。最後，阿Bob知道基斯保羅除籃球之外，最鍾意就係「碌齡」，原來佢話細細個已經好鍾意呢個運動，仲講笑話會考慮退休之後轉打職業添，真係識搞gag。
阿Bob廣州直擊