要符合當今花式越野電單車（FMX）的花式及技術水平，電單車都要經過多方面改裝，而大部分車手都採用250cc二衝程電單車，因為表現與操控兩方面皆有最佳保證，有些車手專攻125cc，好處是較易操控，但加速時卻較為遜色。
電單車主要改裝部分為車架，車架包括叉架及避震器。為咗預備着地時受力，呢啲部分都經過改裝。花式越野電單車賽中經常會喺極高地方或長距離起跳後着地，所以必須能夠吸收着地嘅撞擊力。事實上，有時車手估計錯誤，以至起跳及着地距離太短時，就靠佢作保護。另外，為了騰出更多空間方便空中表演，車手會改短車牌兩邊嘅位置。有啲車手會移走駕駛座中嘅軟墊，咁做車手就有更多空間做不同花式。