因貌似楊怡而被稱為「翻版楊怡」嘅Hidy，因擁有１米70嘅高挑身形及甜美笑容，出道日子短短卻已工作不斷！佢最為人所熟悉嘅，首選當然係「嘴細細」嘅防敏感牙膏廣告、以及曾經喺電影《愛到發燒》入面同趙碩之一齊做女主角啦！另外，Hidy亦精通多國語言，連西班牙話都識，真係多才多藝，點止靚女咁簡單。
廚藝征服鄭中基
除咗美貌與智慧兼備之外，Hidy更有一招「撒手鐧」就係煮得一手好菜式！早前Hidy就喺第九集《美女廚房》亮相，而佢嘅作品「一口Pizza」仲食到鄭中基同埋小肥大讚好，齊齊畀100分滿分，依家以1097分高踞「美少女廚神榜」第四位！
