16/07/2009

播放本新聞相關短片

男色誘惑:談談情哼哼歌即時想開波

好多人閒來無事都會哼兩句歌,抒發一下內心感受,有人話如果哼快歌,就係希望工作成功,哼情歌就係渴望擁有愛情。而今日我哋訪問呢兩個囡囡,佢哋平時最喜歡哼情歌,唔通佢哋正需要愛情滋潤,馬上追訪一下呢兩位嚟自澳門天×夜總會嘅靚女先。

哼住歌想男仔

首先問一問今年20歲嘅玲玲,點解咁鍾意哼情歌呢?玲玲話:「我細個時冇乜聽音樂,因為家裏窮,買唔起音響組合,更冇任何隨身聽,只係放暑假去表姊屋企玩嘅時候,先至真正聽到歌,當時表姊年紀都已經十幾歲,聽嘅全部都係情歌。」

玲玲繼續道:「所以我腦海中所記得嘅歌都係情歌,閒來無事哼嘅,點會唔係情歌喎?」會唔會係你渴望擁有愛情滋潤呢?玲玲話:「哪個少女不懷春?我家陣仲未識到男朋友,又點會例外喎!但係同哼情歌一啲關係都冇,唔似係心理反映。」

咁哼歌嘅時候,心情會點樣?心裏面會想乜嘢呢?玲玲話:「心情會幾平靜,心裏面會冇乜嘢諗。」咁正常?玲玲搶白:「你以為我會一邊哼住情歌,一邊諗住啲靚仔咁變態咩,我睇你哋啲男人就會咁做。」真係冤枉,並唔係所有男人都咁膚淺㗎!

床上舒服哼歌

哼歌日子有功,會唔會變成唱家班呢?玲玲搖頭話:「我自己唱歌認真麻麻,何況哼歌來來去去都係自己喜歡嗰一句半句,有時去卡拉OK點番首歌嚟唱,記得頭,就唔記得尾,認真失禮死人。所以對我嚟講,平時哼歌對唱歌一啲幫助都冇。」

最後問玲玲會喺乜嘢時候哼歌呢?玲玲話:「我平時做家務嘅時候,就最鍾意哼歌,有時喺床上……」喺床上都哼歌?玲玲笑道:「我指坐喺床上睇雜誌嘅時候,你諗咗去邊呀!真係心邪,至於沖涼嘅時候,由於心情平靜,我都會哼兩句嘅。」

講起沖涼會哼兩句,我哋馬上問另一位靚女小小,佢剝光豬沖涼時又會唔會哼兩句呢?小小話:「當然會,我比較喜歡浸浴,由於浸浴嘅時間比較長,所以我特別喜歡喺浴室一邊浸浴,一邊哼歌,我覺得呢個時候係最舒服,最鬆弛嘅一刻。」

男友聽見衝動

小小仲話:「我有一個壞習慣,就係睇電影睇得興奮,會不自覺咁哼兩個歌詞出嚟表達自己嘅心情。所以我去戲院睇電影,人人都會覺得我好煩,平時我只能喺屋企睇光碟,自己點哼都影響唔到人。」咁你成日哼情歌,會唔會好渴望愛情呢?

小小話:「我都覺得兩者冇乜關係,如果我哼抗戰歌曲,我就會好好戰嗎?應該唔係囉!」哼歌對唱功又有冇幫助呢?小小話:「我本身喜歡唱歌,所以成日哼住一啲喜歡嘅歌,到真係唱嘅時候,當然會有幫助。」咁男朋友又鍾唔鍾意你哼歌呢?

小小話:「我以前啲男友不知幾咁喜歡我哼歌,仲話我一喺屋企哼歌,就會令佢哋有性衝動,都唔知真定假嘅。」無論真定假,小小咁靚女,孤男寡女共處一室,你哼唔哼歌都會衝動啦!

玲玲Profile

年齡:20歲

三圍:34、24、35

興趣:哼歌

小小Profile

年齡:21歲

三圍:36、25、34

興趣:唱歌

撰文:小德

攝影:強