本文重點
【本報綜合報道】正所謂天下武功出少林，連奧尼爾都要去朝聖！奧尼爾尋日繼續其「中國之旅」，目的地就係自己一直想到嘅河南嵩山少林寺。今次奧尼爾唔單正能親眼欣賞到少林武功，更有機會向方丈釋永信問禪求教，難怪呢位一代中鋒全程笑容滿面，而奧尼爾亦係首位造訪少林寺嘅NBA球星。
耍蛇拳娛人娛己
尋日早上十時半左右，奧尼爾已抵達少林寺，準備踏入呢個「功夫聖地」。一向熱愛中國功夫嘅奧尼爾，到處參觀後就到方丈室見方丈釋永信，奧尼爾為方丈帶來一件寫上「我非常愛你們，願和平與你們同在」嘅運動衫；而方丈則送了一尊達摩金佛、少林跌打膏及素食給奧尼爾。據悉奧尼爾向方丈交流時，更提及功夫+籃球嘅可能性。
其後少林寺就為奧尼爾提供功夫表演，例如耍羅漢十八手、二指禪、少林童子功等，令奧尼爾睇得非常興奮，而佢更向翻譯表示，自己最喜歡蛇拳及醉拳，其後更大耍蛇拳狀甚搞笑。當然，唔少少林寺武僧，原來都係奧尼爾粉絲，所以當日大批武僧爭相與奧尼爾合照及簽名，可見其魅力超凡，唔通少林寺裏面都有得睇NBA？
另外，効力湖人的中國國手孫悅，除了面臨被湖人裁走之外，其相戀五年的名模女友古晨又在個人網誌稱她在孫悅的生命中只排在其父母、兄長及籃球之後，暗示感情有變，孫悅今次的確遭逢重大打擊。