撰文：祖 攝影：強
分享條件
好奇心，人皆有之，每個人都想知道其他人嘅秘密。但依家大家都講人權，喺未得對方同意之下而知道人哋嘅秘密，就係侵犯人權嘅表現。好似有唔少人都以偷窺其他人為樂，但係就好似之前所講，呢種好奇心戰勝理性嘅表現，係要喺法律上負責任嘅。而喺澳門中×城夜總會工作嘅PR樂樂同Yoyo，就覺得偷窺同埋私隱，其實可以魚與熊掌，兩者兼得！但呢兩樣嘢咁矛盾，點樣兼得呢？
Yoyo話：「其實情況好簡單，好似每個人都有自己嘅秘密，但唔代表所有嘅秘密只有自己先知，有一部分會同其他人分享。但咁又唔代表呢啲可以同其他人分享嘅秘密可以周圍唱噃！所以呢，關鍵就喺呢度，究竟呢個秘密有幾重要？同埋想知嗰個係啲乜嘢人？如果兩樣都OK嘅話，畀佢知又有乜嘢所謂呢？」講到咁複雜，即係睇人嚟講秘密啦！
習以為常
咁唔知有啲乜嘢秘密，係佢哋容許其他人知道嘅呢？樂樂話：「其實我哋就冇乜嘢秘密嘅，但要我哋講畀其他人知嘅話，都只有好熟嘅朋友先會講！」唓！咁講即係冇秘密畀人知啦！「咁又唔係喎！我哋都有唔少私隱畀人知道㗎！好似我哋三圍同年齡，就連你都知啦！」唔係咁都算呀？呢啲唔係乜嘢秘密啫，有冇啲緊要啲嘅嘢可以爆吓呀？
樂樂諗咗一陣就話：「我諗除咗呢啲個人資料之外，畀人侵犯得最多嘅私隱，都可以算係沖涼嘅時候畀人偷窺喇！」呢個就叫做有番啲級數喇！唔知偷窺嘅又係乜嘢人呢？「講落都算好彩，呢啲會偷窺我哋沖涼嘅人，都係我哋嘅男友仔。所以直到今時今日，我哋都唔會因為咁樣而搞出啲乜嘢問題囉！」
其實係男友嘅話，隨時都會畀佢睇晒啦！真係唔知為乜要偷窺喎！
製造機會
其實佢哋兩位有冇了解過啲男友偷窺背後嘅真正原因呢？Yoyo話：「記得最開頭嗰幾次，發現自己畀人偷窺嘅時候，真係又嬲又尷尬。全相都畀過佢哋睇唔少次，唔明點解佢哋要咁做，咪直接問佢哋囉！點知佢哋嘅答案，竟然係話沖涼嗰陣嘅我係最性感，最令人有衝動喎！其實計我話，佢哋鹹濕就真！」
講真嗰句，男人對女人唔鹹濕，除非係鍾意「斷背」啫！「所以我哋有咁多次畀人偷窺嘅經驗之後，每次識到新男友嗰陣，都會喺沖涼時專登將浴室門虛掩，製造一個機會畀佢哋嚟偷窺，用嚟挑起佢哋原始獸性。發覺啲男人喺偷窺完之後，喺床上嘅攻勢都會特別強勁，所以依家叫我唔好畀男友偷窺嘅話，我都唔制呀！」又會咁奇嘅？畀人𥄫嘢𥄫到上癮都有嘅，真係估你唔到。