繼奧尼爾過檔騎士「扶帝」後，NBA重磅交易陸續有嚟，剛喺總決賽飲恨嘅魔術，宣布同籃網達成協議交易「飛人」卡特，等佢同另一個會「飛」嘅「超人」杜域侯活組成「雙飛人」組合，下季繼續挑戰總冠軍寶座。一度被喻為「波神接班人」嘅卡特征戰NBA十一載，終如願加盟一支有力爭標嘅球隊，難怪佢都話夢想成真。

魔術喺剛過去一季打入總決賽，若然要雞蛋裏挑骨頭嘅話，較弱一環就係得分後衞哥特尼李爾，因此魔術決定引入星級射手卡特，進一步強化球隊。今次魔術除獲得卡特外，還有較年輕嘅賴恩安達臣，至於籃網則獲得「街波p:老飛人喜投「爭標球隊」

雖然「飛人」卡特已年屆卅二歲，但佢同另一老將奧尼爾一樣，上季都重拾狀態，呢位「老飛人」為籃網上陣八十場常規賽，平均得分20.8分，而三分命中率亦達38.5%。最重要係卡特已經完全擺脫「玻璃腳」之名，唔怕佢抖多過打。其實天才橫溢嘅卡特已經征戰NBA十一個年頭，最令人惋惜係佢至今只曾打過五季季後賽，而且從未打過分岸決賽，命途認真麻麻。

所以，卡特得悉轉會魔術後都非常開心：「每個球員都希望加盟爭標球隊，我真的夢想成真，終於感受到自己有機會贏得總冠軍。」至於籃網送走卡特亦並非壞事，因為少咗個近頂薪球星，可以為球隊進一步減磅，而哥特尼李爾亦甚具潛質，可與迪雲夏里士成為球隊未來希望。另方面，鷹隊亦以格拉斯頓及艾斯羅換入勇士射手哥羅福。

■本報綜合報道