最近成為土耳其比賽的Poster Girl，對於面對鏡頭、擺擺「甫士」，Maria對模特兒的工作絕不抗拒，但她仍希望球迷目光的重點放在其高爾夫球事業上：「我唔介意拍攝及做模特兒，影多啲Poster都無所謂，因為我好鍾意做一啲高球之外嘅嘢，但我希望大家焦點多放喺高球場上。」

健康性感好迷人

近年女運動員的比賽服都成為潮服的一種，Maria很多時比賽都會穿着One Piece或短裙，其性感的打扮不時引來傳媒及球迷的注意，她稱：「走到高球場上，我鍾意帶畀大家一啲特別嘅感覺，所以我有時會着得性感一啲，或者比較時代感一啲。」擁有完美身段，或者與Maria年幼時愛上芭蕾舞有關，原本這位高壇的明日之星志願是做一個出色的舞蹈家，但她一身好「舞」功並無白費，其柔韌性的身體對她打swing亦很有幫助。