快艇抽中第一籤即簽

當快艇抽中今季選秀一號籤後，早已表明心迹會簽入大前鋒比歷克格芬，格芬係今季全美籃板王，個人單季做出三十次「雙雙」，歷史上排第二。此外，格芬今年先後獲選為美國體育畫報、Sporting News、Foxsports.com等媒體主辦嘅最佳球員，另外還獲得約翰活頓大獎，此獎係頒畀最出色嘅大學籃球員，此前如大鳥布特、米高佐敦及鄧肯都攞過。

擁有二號籤嘅灰熊，最終選擇咗身高七呎三吋嘅「巨人」泰亞拔，呢位中鋒來自坦桑尼亞，防守力出眾，近兩年均獲選為 ＮＡＢＣ最佳防守球員，被譽為係「莫湯保二世」。至於盛傳會揀選盧比奧嘅雷霆亦「轉軚」，用三號籤選中打法甚似拓荒者主將萊爾嘅占士夏登，令人意外。

曾經征戰奧運嘅西班牙天才盧比奧，要到第五位先被木狼選中，佢喺選秀會前一日先同母會傾妥買斷費用，但其父似乎唔多滿意囝囝加盟木狼，佢接受西班牙《馬卡報》訪問時更示意盧比奧或會因此續留歐洲，擺明睇唔起木狼。

比歷克格芬Profile

Blake Griffin

國籍：美國

出生日期：1989年3月16日

身高：6呎10吋

大學：俄克拉何馬大學