巴塞隆拿清脆咁擊敗曼聯，奪得歐聯冠軍，人人都講美斯、恩尼斯達、沙維，今次我卻想講吓亨利，畀人話唔突出、冇心踢嘅佢嚟個大平反！
安守本分 配合需要
我相信所有球員都想喺歐聯決賽呢個大舞台盡情表現自己，但亨利話就話係巴塞正選前鋒，其實就喺前場同中場之間嘅灰色地帶，進攻唔太需要佢，中場又唔到佢管，你叫佢點發揮先？我覺得每支球隊都有佢嘅重心球員，教練自有安排，亨利只係安守本分，配合球隊需要，你諗吓如果個個球員都顧住爭功，球隊會變成點？
Kittak就遇過啲咁自私嘅隊友喇，因為知道賽事設有MVP，就爭住攻擊（但自己又唔係勁喎），搞到差啲輸波，真係諗起都激氣呀！所以，作為球星嘅亨利，甘願做個唔起眼嘅配角，去迎合球隊，真係好難得㗎！
Kittak
中學時代被譽為「學界首席沙排明星」，奪獎無數，到入咗城大應用社會學系後更積極參與運動，並擔任NIKE Girl作網上主持人，深受網友歡迎