拿度畀藥檢新例玩殘

世界「一哥」拿度對於世界反興奮劑組織最新嘅抽樣檢查規則強烈不滿，認為對運動員極度滋擾，事關根據新規定運動員必須在三個月時間內嘅每天選擇上午六點至晚上十一點之間嘅一個小時，向組織提供自己喺該時間嘅所在地。拿度抱怨：「我試過一次沖緊涼，媽咪打畀我話有人嚟咗屋企做抽查，我都知道費利亞同華達斯高試過晨早六點就有人到訪，實在令人發癲！」