美爾莎出年嫁入豪門

「印度西施」美爾莎就嚟訂婚嘞！有印度傳媒爆料話呢位網球美女，會喺七月十日與青梅竹馬嘅男朋友莫罕蘇赫訂婚。莫罕蘇赫係王族後裔，亦係中印度嘅著名商家。美爾莎爸爸話佢哋兩個家庭已經認識幾個世代，佢話愛女可能明年會正式結婚，等未來女婿喺倫敦考埋個碩士學位先成家立室。睇嚟美爾莎唔使打波，可以疊埋心水做少奶奶啦。