【本報綜合報道】NBA正式誕生華人老闆！據多個媒體報道，美籍華人黃健華已正式入股騎士，成為新任騎士班主，而佢亦剛於克利夫蘭欣賞完騎士對魔術嘅比賽，佢表示做班主，一定要低調，因為風頭應該屬於球員。
撮合占士姚明
出身於華爾街嘅商人黃健華，一直希望入主騎士，日前就有突破消息，指黃健華已經正式入股，超過十五位NBA球隊嘅班主，以電郵方式通過黃健華收購行動，只差一些文書問題，佢就可以完成收購騎士，成為首個NBA華人班主。黃健華接受訪問時指出：「雖然克利夫蘭城市不大，但騎士的潛能卻很大，我希望在這兩年內增強騎士的內線，為球隊打造一個不敗王朝！」此外，黃健華亦有意挖姚明過檔，增強實力。